مهارات الاتصال3 - أطيـــــــــاف

السلام عليكم ورحمة الله وبركاته

احنا خلصنا المره اللي فاتت التحدي الأول
وكنا قلنا انهم 7 تحديات
مستعدين!!!

التحدي الثاني
عدم توضيح النيه والهدف من النقاش والتأكد من موافقة الطرف الأخر

السؤال
ليه أنا محتاج أشرح هدفي؟؟
عشان
1-أعطي للطرف الاخر فرصة الموافقه أو الرفض
2-تبقى الصوره واضحه وكامله
3-يكون الاستعداد الذهني للموضوع كامل
4-معرفة المهام المطلوبه

مثال :
احنا دلوقتي في الكليه واخر سنه
فيه بحث تخرج المفروض هايتقدم من كل طالب
محمد وباسم في كليه واحده
محمد متفوق وبيطلع الأول ما شاء الله

أما باسم مش قوي

باسم اتأخر لحد ما اتفاجأ ان معاد تسليم البحث بكره

الموقف:
محمد ماشي بعد اليوم الدراسي اتفاجأ بباسم بيقوله:أنا في أزمه وما فيش حد غيرك هايقدر يساعدني "لازم أقدم البحث بكره"

طبعا محمد في موقف محرج

واضطر انه يوافق لأن باسم فاجؤه
المهم انه وافق وراح معاه يساعده بس بتركيز أد ايه؟؟؟

لا يتجاوز 30%
كده طبعا باسم خسران لأن لم يستطيع الحصول على تركيز محمد الكامل
-----------------------------------------------------------------

التحدي الثالث:
عدم توضيح الجمله وسردها كامله: يعني لازم اتكلم ببطء واختار جمل كامله

ازاي؟؟
1-عبر عما تراه وتسمعه "الحقائق"

2-تحدث بالمشاعر heart1[1].gif

3-ما هي الأسباب المستخدمه

4-ما هو الموقف المتخذ

5-ما هي النتائج المرجوه

مثال:
وليد ومحمد أصدقاء في العمل
وليد ممتاز في عمله بس للأسف بقاله كام يوم كده مش مهتم خالص والناس كلها بتشتكي
منه
المهم ان محمد خايف على وليد لأنه صديقه فقرر انه يدخل معاه في مناقشه

الموقف :
محمد : ياوليد أنا ملاحظ ان الناس كلها بتشتكي والمدير كمان واخد باله"ما أراه وأسمعه"
وانا بصراحه خايف عليك جدا وعلى مستقبلك "التعبير بالمشاعر"
***تخيل لو كان محمد بدأ بـ" أنا خايف عليك ياوليد"
طبعا كان رد فعل وليد الوحيد أنه هايغم عليه*****
محمد : وأنا عارف انك الأيام ديه عندك مشكله مع حماك(مثلا يعني) لأنك لسه خاطب جديد
"الأسباب المستنتجه"
وممكن لما تحصل أي حاجه تحكيلي "الموقف المتخذ"
وطبعا أنا هاحاول ادخل واحل معاك المشاكل أو اشتغل معاك في شغلك"النتائج المرجوه"وهذه هي الطريقه المثلى للنقاش
----------------------------------------------------------

التحدي الرابع

المواجهه بالشكوى

-يجب تحويل اللغه من شكوى الى طلب-
-ومن صفات الى أفعال-

بمعنى
مش اجي على واحد كسلان مثلا واقوله"انت كسلان"
هايكون كل طاقته مسخره للدفاع عن نفسه ومش هايبذل أي طاقه للتخلص من الصفه ديه

طيب : ايه الحل؟؟

الحل اني أحاول أجمع مجموعه فيها الشخص الكسلان واكلفهم بعمل معين واعرض عليه عمله بطريقه غير مباشره"يعني أقول:هاتقدر تعمل كذا ولا نخلي فلان؟؟"
طبعا هايقولك :هاعمل

ولو مش حصل

أعرض عليه عمل أسهل وهكذا
----------------------------------------------------

التحدي الخامس

-طريقة السؤال المطروح-
-لابد أن تكون لأسئله مفتوحة النهايه-
لأن الأسئله المغلقة النهايه لها اجابتين فقط "نعم - لأ" فبالتالي لا يوجد نقاش

مثال:
شخص متزوج قبض مبلغ كبير وقرر يعزم زوجته على وجبه غاليه
وبعدين خرجوا وقالها : اطلبي اللي انتي عايزاه
طبعا طلبت "جمبري و...................................................."
جالهم طبق اااااااااااااد كده"كبير جدا يعني"
فيه جمبرياياه واحده

والفاتوره كانت..............طبعا انتو عارفين

أكلوا ومروحين البيت
سألها سؤال: الأكل عجبك؟؟
طبعا هيا بتفكر

: لو قلت (اه) بضغط على نفسي---ولو قلت (لأ)غالبا هبات عند ماما
**أنا أقصد ان هو كده قفل النقاش**

نرجع ورا شويه
خارجين وسألها سؤال: ايه رأيك في المطعم؟؟
طبعا هاتقول بتلقائيه : مكان جميل والوقت فيه حلو جدا والأكل طعمه يجنن بس بتهيألي غالي شويه!!و..............................................
**فتحلها النقاش **يعني كده ممكن يكملوا كلام لحد ما يوصلوا

كمان فيه حاجه مهمه للطالب جدا
مين فينا ماخرجش من الامتحان مره مش مجاوب كويس؟؟؟؟؟

طبعا مافيش ولو حتى سؤال واحد
ساعتها كلنا أما بنكتشف الغلطه بنقول ايه؟؟
ايه الغباء ده مش معقول أنا كنت غبي كده

صح؟؟

**ده بقا اسمه سؤال هدام**
يعني المفروض في الحاله ديه تسأل نفسك سؤال بناء لأن ده أكيد بيأثر
يعني لما تسأل نفسك السؤال الأول"لمؤاخذه"الغباء هايتكرر كتير(بتحصل معايا)

انما لما تسأل نفسك سؤال بناء
(ازاي أنا جاوبت كده !!أكيد أنا فهمت السؤال غلط ...طيب ايه اللي خلاني عملت كده ؟؟ وابتدي اصلح ساعتها ان شاء الله مش هاتتكرر تاني
---------------------------------------------------------------

التحدي السادس

-اهمال مفتاح القلوب- heart1[1].gif

-التقدير- "أكتر حاجه بتأثر فيا وممكن أسيب لحد قدر اللي عملتو

أي حاجه عاوزها حتى لو كانت أغلى حاجه عندي"

التقدير في مجال العمل أداه أقوى من أداة النقود

بالمناسبه عملو احصائيه على أطفال من سن 6-8 سنين
فلقو ان فيه مجموعه عندهم القدره على المرونه في التعامل مع الاخرين وعلى القياده
ياترى ايه السبب؟؟

السبب ان المجموعه ديه كان أهاليهم بيقدرو أي حاجه بيعملوها من وهما عندهم 3 سنين
يعني الطفل شال حاجه من على الأرض
رد فعلنا يكون "برافو" وهكذا...................يعني خلي فيه هديه ساعات

مش كله كلام بس
------------------------------------------------------------

التحدي السابع بيقولك

-عدم التمرين على كل ما فات-
-انما العلم بالتعلم وانما الحلم بالتحلم-

//////////////////////////////////////////////////////////////////////
***************************************
----------------------------------------------------------
جزاكم الله خيرا والسلام عليكم ورحمة الله وبركاته