مهارات الاتصال2 - أطيـــــــــاف

السلام عليكم ورحمة الله وبركاته

السؤال اللي فات
ممكن شخص يكون عنده أكتر من شخصيه؟؟

طبعا الاجابه : طبعا ممكن جدا بس بقواعد معينه "الشخص الطبيعي يعني"

دور في نفسك هتلاقي ان ممكن يكون عندك شخصيتين واحده أساسيه مثلا بنسبة 80 في المئه والأخرى بنسبة 20 في المئه

طبعا ده مثلا يعني النسب بتختلف من شخص للتاني
فما المانع!!!!!
************************************

هانقول دلوقتي عملية الاتصال بتتكون من ايه؟؟
1-المرسل
2-الرساله "لازم تتحول لشفره"
3-المرسل اليه
4-الاستجابه "رد الفعل"
5-التغذيه العكسيه

هانضرب مثل عشان نفهم

محمد ووليد زملاء في العمل
وليد نشيط جدا وجميع العمال يثنون عليه وحتى المدير والجميع يقدمون له التهنئه على هذا

الحوار الان بين محمد ووليد
*محمد: ألف مبروك على نشاطك الناس كلها بتشكر فيك "بيضغط على أسنانه"

وانا فرحان عشانك خالص
بس خلي بالك النجاح مش بيدوم
الف مبروك كمان مره

تعالو نترجم

***المرسل: محمد
الرساله : "بعد التشفير السليم بتقول(احذر مني) يعني خلي بالك"
المستقبل : وليد
بس للأسف وليد مش عرف يفك الشفره صح

ماذا كان رد فعله؟؟
*وليد: "جري على محمد"وقاله(بجد يامحمد أنا كويس-عجبتك- أعمل ايه عشان افضل كده واتحسن"

طبعا رد فعل محمد أو "التغذيه العكسيه لما حدث"

..........................
انتو عارفين

ايه رأيكم
نتيجة سوء الاتصال في المثال ده سيئه جدا
-------------------------------------------------------
مثال كمان

اتنين أصدقاء واحد بيحب التاني جدا heart1[1].gif

الموقف"في الأتوبيس وهما رايحين الشغل والدنيا زحمه جدا "
واحد فيهم بص للتاني وقالو "أنا بحبك في الله"

ايه رأيكم
ممكن يكون رد فعل التاني ايه؟؟

طبعا هايرد عليه الرد الطبيعي بس
أكيد مش نفس الاحساس اللي بيقولها بيه صاحبه
عشان كده لازم نختار الوقت والمكان المناسبين لاخراج الكلمات
///////////////////////////////////////////////////////////////////////////

يوجد 7 تحديات تواجه الانسان لتجعله سئ الاتصال بالاخرين

ما هي هذه التحديات؟؟
1-عدم الاستماع الجيد
المناقشه : هي الشراكه المتبادله بين فردين أو مجموعتين
والشريك يحتاج الى فرصه واهتمام

ويكون الاستماع الجيد بفهم جيد لأن الاحتياج الواجب تلبيته واشباعه لدى الأشخاص
"اني لما اتكلم أتفهم مش أتسمع"

كمان فيه حاجه مهمه وأنا بناقش شخص اخر في مسأله هو مصر فيها على رأي معين مخالف لما أراه

في هذه الحاله أترك التمسك بالرأي وأنهي النقاش بنيه العوده مره أخري في وقت أنسب
بمعنى"أخلع لبس المحامي الأسود واسيب المحكمه لأن المجادله مش هاتقدم وجايز تأخر"
قال رسول الله صلى الله عليه وسلم "أنا زعيم ببيت بربض الجنه لمن ترك المراء وان كان محقا"

الأهم من كل ده اني أقدر أحول غضب الاخر في نقاش أدى الى غضب أحد الأطراف

ياترى ليه؟؟
لأن الشخص اللي غضبان طاقة الاستماع عنده بتضعف وكل الطاقه بتتحول لصوت عالي وأحاسيس ومشاعر وهكذا
المفروض في الحاله ديه مش أسيب اللي قدامي يزعق لوحده أو اقف أزعق قدامه!!
لازم أقف معاه وأعتذر عشان اهديه وبعد كده أبتدي أتكلم بوجهة نظري ساعتها أكيد هايفهم

كمان من شروط الاستماع :أن أكون مستمع جيد لاحساسه
ايه الكلمه الغريبه ديه؟؟

ازاي اسمع احساسه؟؟

هاقولك
فيه عالم اسمه كوفي قسم الاستماع لخمس أنواع
3 مش كويسين "وحشين"
2 حلوين

هانبتدي بالوحش
1-التجاهل: وده بيعمل فجوه نفسيه فظيعه"

2-التظاهر بالاستماع:وده بيبان بسرعه (يعني بمجرد سؤال)

3-السماع الى ما يحب وتجاهل ما لا يحب: ديه طبعا معروفه تقريبا أغلبنا بيعمل كده وخصوصا لما يكون مع حد كلامه كتيييييييير ومش بيخلص

الحلوين
4-أن يكون واعيا ومدركا لكل كلمه في النقاش: بيقى جيد جدا في اتباع التعليمات
5-الاستماع بالعاطفه: وهو الذي يستمع لما وراء الكلام

وفي الاستماع بالعاطفه موقف فعله الرسول صلى الله عليه وسلم مع شاب جاءه يطلب منه الاذن بالزنا
فما كان من عمر بن الخطاب أن رأى أن يقطع رأسه
ولكن
رسولنا الكريم قال له أترضاها لأمك...................... ثم مسح على صدره ودعا

عندما كان الاستماع الى ما وراء الكلام كان هناك علاج للموقف وليس انهاء له

السؤال
كيف أكون مستمع عاطفي؟؟؟؟؟؟؟؟؟؟؟؟
أن أستمع بعيني بنسبة 55 في المئه
وقلبي بنسبة 38 في المئه
وأذني بنسبة 7 في المئه
ففيها لغة تعبير الوجه في الحديث وتعبير الجسد في النقاش
ولغة نبرة الصوت والاستماع الى الأحاسيس من خلالها
وفيها معرفة الثقافه العامه من طريقة انتقاء الألفاظ

مع كل هذه التعليمات في النقاش لابد وأن تضع نفسك مكان المتحدث حتى تستطيع الحكم بحق وتلتمس له الأعذار
قال رسول الله صلى الله عليه وسلم "التمس لأخيك سبعين عذرا"

ومن الضروري أيضا أن تعيد صياغة ما قيل لك لتؤكد له فهمك
----------------------------------------------------------------

أعتقد كفايه كده النهارده

سلاااااااااااااااااااااااااااااااااااااااااااام