مهارات الاتصال1 - أطيـــــــــاف

السلام عليكم ورحمة الله وبركاته

احنا المره اللي فاتت خلصنا "إدارة الوقت"خالص

والله أعلم استفدتو ولا.........................

المهم
المره ديه عندنا حاجه جديده خالص
ياترى هي ايه؟؟
حاجه اسمها"communication skills" يعني مهارات الاتصال

ايه الكلمه الغريبه ديه؟؟

مش غريبه ولا حاجه ديه بالذات أكتر حاجه لازم نعرفها لأنها أكتر حاجه بنستخدمها كل يوم

ازاي؟؟
أول ما بتصحى من النوم طبعا لازم تتكلم مع أخوك وأختك وباباك وماماتك ويمكن لو بتشتغل زمايلك ومديرك وهكذا

يعني عايزه تقوليلي ان مهارات الاتصال يعني ازاي أعرف أكلم الناس كويس؟؟

أيوه

طب ما انا بكلمهم من غير ما اتعلم حاجه وأي حد ممكن جدا يتكلم كويس من غير تعليم
ممكن تصبر وبعد ما تعرف الموضوع شوف بنفسك فيه فرق ولا لأ؟؟

طيب بس أنا ايه اللي هايخليني أتعلمها والله أنا بقولك أنا بجد كويس
هاجاوب على السؤال حاضر

تتعلمها علشان
1-الاهتمام والاحترام المتبادل
لأن لما يكون فيه اتصال بينك وبين اللي بتتكلم معاه"فاهمين بعض كويس يعني"أكيد هايكون فيه اهتمام واحترام
2-تصبح المناقشه أكثر تأثيرا
3-التفاعل يكون بصوره ايجابيه"فعليه"
يعني لو بتتكلم مع واحد على حاجه هاتعملوها هايفرق كتير لو كان بينكم اتصال ولا لأ أو لو كان فاهم انت بتقول ايه ولا لأ
طبعا لو فاهم هاتشرح اللي المفروض تعملوه في ساعه مثلا وتشتغلو ساعتين وتبقو عملتو شغل كبير جدا

انما لو مش فاهمك هتفضل تشرحلو الساعات الثلاثه وبرده مش هايفهم كويس اللي بيدور في دماغك

4-الكلمه باللغه الانجليزيه"peace in mind"يعني أشتري دماغي في المواقف الصغيره
يعني ما ضيعش وقتي في حاجات متستهلش
يعني مش هاشغل نفسي بالحاجات الصغيره اللي ممكن تعطلني

هنرسم مع بعض صوره كمدخل للموضوع
نتخيل أب"عم حسين"
ابن"محمد"في ثانويه وباقي شهر على الامتحان
**محمد بيقول لعم حسين أنا عايز العربيه أخرج بيها مع زمايلي"
عم حسين: لأ مش هاتخرج

ياترى ايه اللي بيدور في دماغ عم حسين وهو بيرد على محمد
أكيد "أنا خايف عليك ونفسك تنجح بتفوق وتدخل كليه كويسه"

ايه اللي دار في دماغ محمد بعد اجابة عم حسين
أكيد "بابا مش بيحبني وخايف على العربيه مني (أنا ابنه)يعمل فيه كده!!"

في الحاله ديه يوجد سوء اتصال أدى الى حدوث فجوه

*****************************************

هانبتدي نتكلم عن نوعية الشخصيه أو طبيعة الشخصيات

عندنا أربع أنواع من الشخصيات

1-الشخصيه العاطفيه : اجتماعيه جدا-غير منظمة الأفكار فأفكارها مشتته بين الناس -تركيزها قصير جدا

كيف أتعامل مع هذه الشخصيه؟؟؟؟؟
هاكون محدد في الكلام ومش هاطول لأن التركيز بيكون في أول كلامي بس بعد كده مافيش تركيز وبالتالي مافيش استفاده يعني ابقى

"short and focus"
******************************************

2-الشخصيه الموجهه : مسيطره وليست اجتماعيه ومن صفاتها أنها عنيفه في الطباع

كيف أتعامل معها؟؟؟
التزم الحقائق في النقاش
يعني ما ينفعش اقول "أنا حاسس -بتهيألي-على ما أعتقد"ساعتها مش هتسمعلك خالص ومش بس كده لأ ديه هاتدوسك في الكلام
********************************************

3-الشخصيه الانعكاسيه : غير مسيطره وليست اجتماعيه وهي محدده وتتسائل كثيرا وحاده جدا في الطباع

كيف أتعامل معها؟؟؟؟؟؟؟؟
نقاشي يكون بالتفاصيل فهي تحب الاجابه التفصيليه
*******************************************

4-الشخصيه السنيده : اجتماعيه وليست مسيطره ولا تحب التغيير
الشخصيه ديه أول ماتلاقي خناقه أول واحده تجري تفك الاشتباك من غير ماتهتم مين اللي غلطان

كيف اتعامل معها؟؟؟؟؟
أظهر اهتمامي بكل صغيره وكبيره تفعله فهي تحب التقدير جدا وهو أكثر شئ يجعلها في تقدم
******************************************

سؤال يفرض نفسه
ممكن شخص يكون عنده أكتر من شخصيه؟؟؟؟؟؟؟؟؟؟