التخطيط الذاتي3 - أطيـــــــــاف

سؤالي كان من شقين"الأول"
ايه هيا رسالتك في الحياه؟؟

الاجابه: لازم نفرق بين الرساله والهدف وناخد بالنا ان ده فرق مهم جدا
الرساله"هي سبب وجودك في الحياه"
الهدف"هاتعمل ايه عشان تحقق الرساله"

يعني الرساله في الحياه نشترك فيها كلنا وماينفعش يكون ليا رساله ولحضرتك رساله تانيه "أنا بتكلم عن المسلمين طبعا"

أصل كان فيه واحد من غير المسلمين سئل عن رسالته قال:المانجه"حقيقي"
فسبحان الله!!

رسالتنا كلنا هي "رضا الله عز وجل":قال تعالى"وما خلقت الجن والانس الا ليعبدون"

وأما الهدف هو كيف نعبد الله وكل ميسر لما خلق له

هنمثل مثال صغير قبل ما نتكلم
أنا عايزه أروح مشوار هاقول لحضرتك تعالى وديني مشوار
طبعا هايكون فيه أسئله
1-انتي فين؟؟
2-عايزه تروحي فين؟؟
3-هانروح ازاي؟؟

تخيل الحوار ده بينك وبين نفسك
أول حاجه :انت فين؟؟
يعني تعرف ايه رسالتك؟؟اللي عرفناها خلاص
وكمان مهم جدا ترتفع عن الواقع بتاعك بكل مشاكله عشان مافيش أي حاجه تأثر على تفكيرك وتخطيطك اللي أساسه عشان أخدم الاسلام
طبعا هايكون رفع عن الواقع بحكمه يعني مش هاناخد مخدر ولا حاجه

هاتقولي ازاي أرتفع عن الواقع؟؟
كلمه باللغه الانجليزيه تسمى"swot analysis"
يعنيs=strenth /مصادر قوى
w=نقاط ضعف
o=فرص متاحه
t=مخاطر متوقعه

ياريت تخليهم في جدول وتملاه وطبعا أبدأ بالايجابيات مش السلبيات عشان تقدر تكمل

تاني سؤال عايز تروح فين؟؟
يعني هاتعرف ايه رؤيتك "انت شايف نفسك فين في المستقبل"والتخيل ده مهم جدا
هاقولك ايه أهميته
"ماركوني أول ما فكر في ان ممكن يكون فيه موجات في الهواء وتخيلها كويس جدا"
ايه كانت النتيجه؟؟
اخترع الراديو

نفس الفكره بالنسبه ل"بل جيتس"مؤسس شركة مايكروسوفت"
طبعا في أمثله كتيره ممكن انت تفكر نفسك بيهم

كده عرفت الرؤيه
تعرف كمان ايه أهدافك عشان توصل للرؤيه
وبكده تكون عرفت عايز تروح فين؟؟
طيب الأهداف لازم أهتم بيها يعني مش أعمل هدف بعد 10 سنين مثلا واستنى من هنا لعشر سنين عقبال ماعرف اتحقق الهدف ولا لأ
طبعا غلط ممكن أتوه ومعرفش
يعني لازم أقسم الأهداف لأهداف قصيرة المدى-أهداف متوسطه-وأهداف طويله-وأهداف مرحليه"

هاضرب مثل شخصي
أنا مثلا هدفي القصير المدى:هو محاولة الحصول على تقدير امتياز في سنوات الكليه
والأهداف المتوسطه:أحضر دبلومة طب بديل لما أخلص بكالريوس وأواصل تنمية معلوماتي عن الطب البديل
والأهداف الطويله: طبعا عندي زوج واولاد وعياده.....................
والأهداف المرحليه: تعلم اللغه الانجليزيه لأن من غيرها مش هاعرف اجيد كل ده ولو انها مرحليه

أظن كده تقريبا وضحت
يبقى وضع الأهداف مهم جدا لنها بتخلي المستقبل واضح والتوقعات موضوعه
تاني حاجه بتخليك عندك كفاءه وبتحفزك وعن طريقها تقدر تقيم نفسك

طيب الأهداف ديه لازم يكون ليها صفات
1-واضحه
2-يمكن تقيمها
3-يمكن تحقيقها
4-لها علاقه بالرؤيه
5-محدده بوقت

ياترى وضحت الرؤيه

السؤال التالت هانروح ازاي؟؟
الأهداف لازم تتقسم لوسائل
يعني عشان اجيب امتياز أحضر المحاضرات كلها واذاكر كويس
وهكذا..........................

تاني حاجه أعمل ورد محاسبه"كل شويه اقف واشوف أنا ماشيه صح ولا لأ"

تالت حاجه أتابع نفسي لما أوصل للهدف القصير المدى أو الأهداف المرحليه

واحد هايقولي كان الدنيا من غير مشاكل
لأ طبعا فيه مشاكل وهنقسمها لجزئين
مشاكل شخصيه:مخافة عدم التنفيذ-عدم التغيير- مخافة الفشل-التقليل من القدرات والثقه في النفس-التقصير في الرؤيه الواضحه-عدم التحليل السليم-مهارات تخطيطيه ضعيفه"

مشاكل في المجتمع:التغير المناخي-التأثير المحيط-الضغط اليومي مقاومة التغيير"

نلاحظ أن المشاكل النفسيه أكثر من مشاكل المجتمع فلنحاول التغلب عليها ونثق في أننا نستطيع بفضل الله

هانختم بحاجه مهمه
ايه الحاجات اللي تساعدك على التخطيط السليم وتتجنب أغلب المشاكل التي تواجهك
1-الاستمراريه
2-المعرفه التامه بالمستقبل
3-الشموليه:لا تترك وسيله تطغى على أخرى"
4-المرونه: استعداد تغيير التخطيط اذا كان خطأ
وفي هذا قصه أن أحدهم كان يعمل محاسب وراه صاحب شركه وكلمه فوجد لديه موهبه غريبه في المبيعات وعرض عليه العمل ومرتب أكبر بكثير مما يأخذ ولكنه لم يكن مرنا وصمم على الاستمرار على عمله مع انه لا يجيده ويجيد شيئا اخر"
فهل تصرفه صحيح؟؟

5-تحقيق الأهداف على أرض الواقع
6-محدده بوقت
7-التخطيط يكون منطقي وليس خيالي

كده خلصنا التخطيط يارب تكونو استفدتو "أتمنى"
والسلام عليكم ورحمة الله وبركاته