التخطيط الذاتي2 - أطيـــــــــاف

طبعا في كما ن تحدي مهم جدا وهو "الرؤيه التنمويه"

*يعني ايه؟؟
**يعني يكون أهلك والناس اللي حواليك عايزينك تبقى كذا بسبب ان العيله كلها في نفس المجال"دكتور مثلا-مهندس"يعني يساعدوك وتخلص تلاقي شغل كمان
لكن انت مش دماغك ده فطبعا بيبقى التخطيط بتاعك من أوله غلط وعمره ماهايتحقق صح
*اه فعلا بتحصل كتير

**أنا مش هاعلق ولكن هاكمل على طول
ازاي نقدر نتغلب على التحديات ديه كلها؟؟

** هانعرف دلوقتي ازاي نرسم مستقبلنا صح وعلى أساس علمي
*أخيرا

**أيوه
بس عشان نعرف لازم نتكلم في جزئين أساسيين"جزء نظري وجزء عملي"وطبعا هانبتدي بالنظري
*أنا زهقت ونفسي أعمل لسه ماحستش بأهمية اللي بناخده
**أنا قولت من الأول لازم صبر
*صابرين

**الجزء النظري بيقول" فيه أربع حاجات لو طبقناهم هانبقى رسمنا مستقبلنا صح "ايه هما؟؟
"التخطيط-التنظيم-القياده-التقييم"

**تفتكر أنهو عنصر أهم من الباقي؟؟
*طبعا التخطيط أهمهم كلهم لأنه لو صح من الأول كل اللي بعده هايتبني عليه انما لو غلط هايبقى الأساس غلط
**كويس جدا وبما انه مهم جدا كده هانتكلم عليه شويه

** ايه أهمية التخطيط؟؟
أنا هاجاوب من الناحيه العلميه
1-النظر للمستقبل "طبعا"
2-وسيله تساعد على القرار الصحيح
يعني لو اتحطيت في موقف ولازم تاخد قرارك دلوقتي ايه الفرق لما تكون عارف رايح فين أو مش عارف
طبعا فرق كبير جدا لو عارف هايبقى القرار سريع وفي صالح اللي انت عايزه وكمان هايبقى صح بنسبه كبيره جدا
3-تستبعد الحركات العشوائيه
طبعا نفس الكلام اللي فوق
4-يوفر الوقت والجهد
أكيد الكل هايقولي ايه "ده انا لما جربت اخطط قبل كده فضلت يومين افكر قبل ماابتدي فين التوفير ده؟؟"
هاقولك صح عندك حق التوفير ده هايكون في حياتك بعد كده وفعلا هاتحس بالفرق
5-يساعد على التقييم
يعني لو انت مخطط وماشي تبع الخطه "كل فتره تقف مع نفسك ياترى فعلا حققت جزء من اللي انا عايزه" وتعرف انك فعلا ماشي صح فتحس ان حياتك ليها قيمه وليك هدف ماشي بيه في الدنيا مش حكايه اكبر واتجوز واخلف واموت وخلاص

**طيب يحصل ايه من غير تخطيط؟؟
فيه كتير مننا مجربين أكيد هتلاقي عكس كل اللي فوق ومافيش تعبير غير"الذي لا يخطط لحياته يصبح هائم على وجهه"

**أكيد عايزين الجزء العملي كفايه كده نظري صح؟؟
*اه ياريت
**ماشي جاهز هابتدي وعايزاك تصحى

أول سؤال؟؟
ايه هي رسالتك في الحياه؟؟ وهل كلنا لينا نفس الرساله؟؟
الرجاء التعليق اذا كانت الاجابه بالاثبات أو النفي

ويارب نصحى "أقولكو اشربو شاي (لألأ مشوها قهوه )"
ان شاء الله هاخلص التخطيط للمستقبل خالص المره الجايه وعلى حسب التجاوب مع السؤال المره الجايه هاتيجي"يعني اما بسرعه أو ببطء"
ســــــــــــــــــــــــــــــــــــــــــــــــــــــــــلامـــــــــــــــــــــــــــــــــــــــــــــ/