التعلم الذاتي3 - أطيـــــــــاف

السلام عليكم ورحمة الله وبركاته

بسم الله الرحمن الرحيم

وقفنا المره اللي فاتت عند الدراسه وازي اتعامل معاها

وهانتكلم عن النشاطات "خيريه - تطوعيه -................."

سؤال

ايه الفرق الرئيسي بين الانسان والحيوان بمنظور اجتماعي؟؟

الاجابه : القدره على التغيير

أهمية النشاطات التطوعيه أو الخيريه

1-اكتساب المهارات التطبيقيه

لأنه بيقابل شخصيات مختلفه كتيييييييييير
غير واحد بقا دخل المدرسه واتصاحب على مجموعه "شله" ودخل معاها الجامعه
وبعدين ساعة التخرج جيه يشتغل ..........اتصدم

مش قادر يتعامل مع الناس..................يبقى ليها أهميه ولا لأ؟؟

2-التعرف على عدد كبييير من الناس

طبعا لما يكون فيه تعامل هايبقى فيه معرفه وبالتالي المعرفه ديه هاتساعك كتير جدا في أي مصلحه عايزها

أكيد صح

زماااااااااااان كانوا بيقولو "معرفة الناس كنووووووووووز"
وعندهم حق
احنا دلوقتي مفهومنا الأكتر ازاي نجمع فلوس
فخليناها "معرفة الناس فلوووووووس"

بس طبعا ده مفهوم غلط ولازم يتغير

3-كيفية التعامل مع الاخرين "امتلاك مفتاح الشخصيه"
وده اتكلمنا عليه كتير في انواع الشخصيه بس طبعا المره ديه هاتكون بطريقه عمليه

مثال
مجموعة شباب بيشتغلوا في نشاط معين وكان فيه ولد نشيط جدااا اسمه أحمد
ومره واحده
أحمد اتغير تماما من جميع النواحي
شغل مافيش
مذاكره مافيش
كلام مع أصحابه مافيش

الموقف

كل اصحابه بيحاولو يعرفو ايه السبب
وليد:كده مش هاينفع صليلك ركعتين وادعي عشان ربنا يهديك
جمال: ايه ياحمد اللي انت فيه ده شوف ايه اللي مزعلك ياأخي وحاول تواجهه
سعيد : أنا رأي خد أجازه واستريح يومين

طبعا كل ده مش جايب نتيجه لأن مافيش حد وصل لمفتاح شخصية احمد
ما عدا
صاحبه عمر : "أحمد (أنا عازمك على الغدا النهارده على النيل ولازم تيجي)
أحمد راح أول ما قاعد وبص على النيل ابتدى يبكي
ياترى
ايه رد فعل عمر
سابه يبكي لمدة ساعه من غير تدخل
وبعدها
أحمد رجع زي ما كان الأول نشيط جدا

عمر بيقول
انا اتعلمت : كل شهر أخده على النيل

**الحكايه ديه الهدف منها ايه ان كل واحد ليه طريقه في التعامل وبالاختلاط الكتير تقدر تتعرف على الطرق المختلفه**

4-تعلم المسئوليه
أما تشتغل في عمل تطوعي تتعلم المسئوليه لأنك هاتبقى مسئول عن شغلك في أي مرحله عمريه حتى يارب يكون عندك 6 سنين لازم تبقى مسئول

الشاهد
أسامه بن زيد كان مسئول عن جيش وهوا عنده 16 سنه وفي روايه 18
مش قصدي
المهم ان سنه صغير ومسئول عن جيش كااامل فيه "أبو بكر وعمر و......"

عشان كده لازم تكون أسامه

5-العمل الشاق

تتعود تنام قليل وتشتغل كتير

6- احساس الانجاز

ومنها تنمية المهارات
الناس بتتقسم لأربع أنواع من ناحية القيام بالأعمال
1-قائد
2-منجز للعمل
3-تابع
4-هائم على وجهه "لا يعمل" ولا ينجز عمل

اختر لنفسك فرقه الان

**العمل التطوعي يساعد على تنمية المهارات القياديه**
------------------------------------------------------------

التدريبات

أقصد بيها انك تتدرب على حاجه معينه مش تشتغل
يعني مثلا طالب في كلية طب "قبل ما يتخرج ينزل يتدرب في مستشفيات"
طالب في كلية علوم "ينزل شركات -معامل تحاليل"......وهكذا

ايه اهمية التدريبات
1-التعرف على الشخصيات الناجحه
2-التعرف على وسائل النجاح
3-التعرف على الأماكن المختلفه
4- تغيير الاعتقادات الوراثيه : واقصد بيها "اللي ماعندوش واسطه مش هايشتغل-
اللي ليه ضهر مايضربش على بطنه-اللي معاه قرش يسوى قرش و.............."
5-تحديد الخطوات المستقبليه ووضوحها

كماان هاتفيدك في عملك بعد كده من ناحية
1-الاستكشاف
2-الخبرات "اتفادي الصدمه النفسيه بمعرفة طبائع الناس المختلفه"
3-تنمية المهارات
4-أصدقاء ومعارف
5-تعلم الحياه ومعرفة كيف تسير
--------------------------------------------------------------

القراءه

معلومه هاقولها مهمه بنفس القدر اللي هانتصدم لما نسمعها

احصائيه
متوسط القراءه في العالم العربي
تخيل كام صفحه في وقت أد ايه؟؟

3 صفحات في السنه

متوسط القراءه الأوربيه...................37 صفحه في الأسبوع

لك أن تتخيل ........كيف التقدم بهذا الحال

طبعا لازم اخد بالي أنا بقرأ ايه؟؟
لأن مش هاينفع عشان اقرأكتير ..........أقرأ أي حاجه
ليه؟؟
ما أكيد هابقى مثقف لما أقرأ بتنوع

هاقولك ليه

أول حاجه انت لما بتقرأ بتاخد خبرة الكاتب
عشان كده أهم صفحتين في الكتابهما "الفهرس والمقدمه"
**لو الانسان قرأ كتاب ولم يملك فن النقد يتأثر بالكتاب ولو لم يدري**
--------------------------------------------------------------

الأصدقاء

طبعا أهم حاجه الأصدقاء وكيفية التعلم منهم
اتعلم منهم الدين والعادات الحسنه والخبره والثقافه

طبعا أكيد ما فيش حد مننا اتربى تربيه كامله
لازم يكون فيه حاجه أو اتنين واقعه من الأبوين
ياترى
أسيب نفسي في الحاجه ديه كده ولا احاول أكملها من أصدقاءي
-----------------------------------------------------------

العائله

**الانسان أسير بيته**

جمله معبره فعلا
طب يعني ايه؟؟

يعني لازم اتعلم من أهلي " اتعلم من خبرتهم -اتعلم من أخطاءهم

احصاءيه

أحسن واحد مبسوط في حياته الزوجيه
1-كان متربي في حياه أسريه مثاليه وبيطبقها
2-كان متربي في حياه أسريه فظيعه وبيحاول يتفاداها
------------------------------------------------------------
الرياضه

**هي مهاره تغير الشخصيه**

1-تعلم الصبر .........فالرياضي لا يعرف المستحيل
2-تعلم العمل الجماعي
3-تعلم كيفية تحويل الهزيمه لنصر
-----------------------------------------------------------