التخطيط الذاتي1 - أطيـــــــــاف

السلام عليكم ورحمة الله وبركاته

احنا هانتكلم في أساسيات التنميه البشريه ان شاء الله
اسمعو وعووووو

أول حاجه لازم تعرفوها هي "self planning"

**أعتقد ان معناها ازاي أخطط لمستقبلي وأتخيل نفسي هابقى فين وبعمل ايه وكده يعني
* ومين مش عمل كده ؟؟

**فيه ناس كتير أقولك مثل صغير
تعالى اسأل أي طالب في الثانويه العامه نفسك تكون ايه؟؟
ياترى ايه هايبقى رده؟؟
*لاااااااا أنا مجرب ده أنا ساعتها كنت بقول بس أجيب مجموع وبعدين ربنا يسهل
** شفت وتقريبا أكتر من 80 طالب من 100 طالب بيقولو نفس الموضوع
* فعلا قليل جدا من زمايلي كان مصمم على كليه عايزها

**هنا المشكله لأن مهم جدا نعرف من صغرنا احنا عايزين ايه
*طيب واللي خلاص عدا المرحله بتاعة صغرنا ديه

**برده لازم يلحق نفسه لأن المهم تشوف النهايه هاتكون فين مش تقعد وتقول خلاص ماانا لو كنت بدأت من زمان كان حصل وحصل وحصل

**عارف ايه اللي هايحصل ساعتها؟؟
*ايه

**هاتيجي بعد كام سنه تقول نفس الكلام
*يعني ايه؟
**يعني احنا فيها أدينا في زمان اللي كنت عايزه ابتدي.

**سؤال؟؟ أكيد فيه مننا خططوا لنفسهم قبل كده ياترى اللي خطط ايه اللي منعه من التنفيذ واللي مخططش ايه اللي منعه من التخطيط؟؟
* أنا هاقول لأ أنا أنا اللي خططت أنا أهم أنا مش خططت خالص

** خلاص ياجماعه هاقول أنا

انتو الاتنين هاتتفقوا في الاجابه على كلمه واحده "لأ كلمتين"
*ايه هما؟؟
** التحديات اليوميه

* الكلمه معقوله ومعناها مفهوم
**طالما فالحين كده قولولي يعني ايه؟؟

*لأ بجد أصل حقيقي فيه حاجات بتقابلنا كلنا كل يوم ممكن تمنعنا من حاجات كتير نفسنا نعملها ويمكن نكون فضلنا ساعات نخططلها طب ده أنا حصل معايا مره اني كنت في يو...

**لأ لأ مافيش وقت تحكي أنا عايزه معنى الجمله اللي اتقالت وبس

*أنا هابتدي أول حاجه بتقابلنا "الأولويات"
**صح طبعا كلنا بنبتدي يومنا بالأهم فالمهم فممكن جدا تأثر على التخطيط اللي احنا عملينو ايه كمان؟؟

*عارفه أنا مشكلتي ان أنا كسلان شويه عايز اعمل حاجات كتير بس مكسل
**صح اسمها"الطاقه المختزنه" حد يعرف حاجه تاني؟؟

*أنا هاقول حاجه ومش عارف اذا كانت صح ولا غلط
**المهم قول
*أنا بيبقى عندي أكتر من حاجه عايز أعملها " مخططلها يعني" طبعا بعمل حاجات على حساب حاجات تانيه
**انت خايف ليه برده صح "تعدد الأهداف"

**هااا محدش عايز يقول حاجه كمان؟؟
* أنا بس من غير تريأه
**قول احنا سامعين
*أنا مش عندي الوسائل اللي أقدر أخطط بيها

**حد فاهم حاجه؟
*لأ

استنو بس هاوضح يعني أنا نفسي أبني وأسافر واروح واجي بس ما فيش فلو....
**اه اه خلاص فهمت ايه رأيكو تنفع تكون ضمن التحديات اليوميه؟؟
**ساكتين ليه!! طبعا تنفع بس مش مهمه أوي لكن محدش ينكر انها تحدي يومي وقوي كمان

أ**نتو كده جمعتو كل التحديات اللي ممكن تقابلنا
ولا في حد عندو تحدي تاني؟؟