مقدمه تمهيديه للتنميه البشريه

بسم الله الرحمن الرحيم

التنميه البشريه هي "كوورس أخدته في الأجازه ولقيت إنه مفيد فحبيت أنقله ليكم وانتو قولوا رأيكم"

** محاضره تمهيديه بعنوان التنميه البشريه
*نعم!!
*ايه التنميه البشريه ديه؟

**استنى بس شويه أكيد هاتعرف
*ماشي أنا مستني

**بص معايا ده علم كان بيعملو رجال الأعمال اللي عندهم مؤسسات وشركات "بيتعمل على المؤسسات طبعا"فمكانش اسمه تنميه بشريه
المهم انهم لقو أي رجل أعمال بيعمل الخطوات اللي في العلم ده لازم لازم لازم شركتو تنجح إن شاء الله

*ياسلام طب وانا مالي هو انا شركه ولا شوفتني مؤسسه

**لا طبعا انت لا ده ولا ده كل الموضوع ان فيه ناس عاقله جدا فكرت
ازاي ان الخطوات ديه بتجيب تأثير فظيع على الجماد هاتعمل ايه في الانسان

*اه فهمت هاتعملونا تجارب لا أنا مش هاكمل

**اصبر معايا الموضوع مش تجارب ولا حاجه ناس قبلك كتير جربوها ونجحت قلقان ليه؟؟

*يعني أنا أول ما هاعرف الحاجات ديه هابقى انسان تاني؟؟

**ده اللي انا خايفه منه
كل اللي قالوا زيك كده ماتغيروش خالص ولا فرق معاهم حاجه

*ليه مش انتي اللي قلتي؟؟

**قلت ايه أنا قلت رجال الأعمال عملوها يعني نفذوها احنا هنا هانتكلم بس انت لوحدك هاتعمل

*فهمت يعني أنا لو سمعت ونفذت أول ما نخلص هاتغير؟

**برده غلط عارف ليه
*ليه؟

**لأن اللي احنا هانخده عامل زي الفيل اللي انت المفروض تاكله كله تقدر تاكل فيل؟؟
*انتي بتقولي ايه ماقدرش طبعا

**لأ تقدر

*انتي تعرفي أكتر مني ماقدرش
**ولو أكلت كل يوم قطمه مش أكيد هايخلص

*اه بس بعد وقت طويل جدا

**مش مهم المهم يكون عندك صبر وكل يوم تاكل قطمه
*حاضر هاحاول

**انا شايفاك اتضايقت

*أنا هو انتي قلتي حاجه تضايق خالص

**هاقولك مثل تاني ينسيك الأول ماشي

*سامعك اما اشوف أخرتها

**لو معاك لعبة puzzel من 1000 قطعه تقدر تجمعها وتخليها صوره من غير ما تشوف الشكل النهائي في صوره عندك؟؟
*مستحيل

**حلو هي الحياه عباره عن اللعبه وأنا هاجبلك الصوره النهائيه عشان تقدر تجمع القطع بتاعة اللعبه
المثل ده أحسن صح

**طبعا بعد كل الرغي ده مافيش دماغ تبتدي النهارده
*لأ استني اما استوعب الكلام اللي اتقال

**هاستنى والمره الجايه ان شاء الله تكون استوعبت كويس جدا عشان هاقولك احنا هاناخد ايه وكمان هانبتدي نتككلم عن واحده واحده بالتفصيل

سلام